1. Бош сахифа
2. Янгиликлар

ИПАК ҚУРТИ ТАРҚАТИЛМОҚДА

×

Маълумки, ҳар йили апрель, май, июнь ойларида юртимизда ипак(пилла) уруғини олиб келиш, пилла қурти боқиш ҳамда тайёр маҳсулотларни пиллачилик корхоналарига етказиб бериш борасида кенг кўламли ишлар олиб борилади.
Жорий йил пилла мавсумида Риштон туманида 2 минг 172 қути ипак қурти парваришлаб, 126 тонна пилла хомашёси етиштириш режалаштирилган. 
Айни вақтда фермер хўжаликлари ва касаначилар билан ипак қурти парваришлаш учун контрактация шартномалари тузилди.  Бунда “Темир дафтар”да рўйхатга олинган оилалар ҳамда “Аёллар дафтари” ва “Ёшлар дафтари”га киритилган фуқароларга алоҳида эътибор қаратилди.
Бугунги кунда фермер хўжаликлари ҳамда қурт боқувчи звеноларга уруғ тарқатиш борасидаги ишлар бошлаб юборилган.