1. Бош сахифа
2. Янгиликлар

Ҳокимлик қабули: Ҳар бир мурожаат – эътиборда!

×

Кеча Халқ қабулхонаси биносида туман ҳокимининг навбатдаги фуқаролар қабули ўтказилди. Қабулда муаммоси ва мурожаати бўлган фуқаролар билан юзма-юз суҳбатлашиб, мурожаатлар бирма-бир тингланди.

Очиқ ва самимий мулоқот тарзида кечган қабулда туман ҳокими ўринбосарлар, Халқ қабулхонаси мудири ва тумандаги мутасадди ташкилот раҳбарлари иштирокида уй-жой, моддий ёрдам, бандлик, йўл таъмири ва бошқа масалаларга оид мурожаатлар келиб тушди.

Муаммолар бўйича тегишли ташкилотлар мутасаддилари иштирокида зарур чоралар кўрилди.

Қабулда 15 нафар фуқаролар иштирок этиб, шулардан 7 нафарининг масаласи шу жойнинг ўзида ҳал этилган бўлса, 5 та масалага ҳуқуқий тушунтириш берилиб, қолган масалалар ижрога қаратилди.

Таъкидлангандек, ҳар бир мурожаат асослича ўрганилиб чиқилади ва қонуний йўл билан ечимини топади.

Риштон тумани ҳокимлиги Ахборот хизмати.