Риштонда мустақиллик байрами арафасида банк офиси фойдаланишга топширилди
2022-08-15 06:29:10 321
Янги Ўзбекистонда эл азиз, инсон азиз
“Янги Ўзбекистонда эл азиз, инсон азиз” шиори остида нишонланаётган Республикамиз мустақиллигининг 31 йиллиги байрами арафасида вилоятимиз шаҳар ва туманларида ўнлаб янги ишлаб чиқариш лойиҳалари ишга туширилмоқда.Хусусан, “Марказ” МФЙда мижозларга хизмат кўрсатиш сифати ва самарадорлигини ошириш мақсадида “Универсалбанк” томонидан ташкил этилаётган “Банк хизматлари офис”ларининг навбатдагиси туманимиз фуқароларига ўз эшикларини очди.Замонавий офис истеъмолчиларга кенг кўламли молиявий ва консалтинг хизматларини кўрсатиш баробарида, ҳисоб рақам ва пластик карталар очиш, кредит олиш учун ариза бериш, омонатларни расмийлаштириш, барча турдаги тўловлар ҳамда халқаро пул ўтказмаларини бажариши билан ҳам аҳамиятлидир.Шунингдек, туманда истиқомат қилувчи 210 мингдан зиёд фуқаролар 24/7 режимида ишловчи банкомат ва инфокиосклардан ҳам куннинг исталган вақтида эркин фойдаланишлари мумкин. Унда миллий пластик карталардаги маблағларни нақдлаштириш, коммунал, уяли алоқа каби қатор тўловларни амалга ошириш имконияти мавжуд.
Юридик ва жисмоний шахслар томонидан веб сайт орқали бўлган мурожаатлар
Жами мурожаатлар: 38Ишонч телефони статистикаси