1. Бош сахифа
2. Янгиликлар

Баткен вилояти губернатори ўринбосари бошчилигидаги делегация Риштон туманида бўлди

×

Бугун Қирғизистон Республикасининг Баткен вилояти губернатори ўринбосари Тимур Мадияров,  Қизилқия шаҳри мэри Асилбек Маткаликов, Баткен тумани ҳокими Учкун Жоробоев, Лейлек тумани ҳокими Олмос Раҳмонқулов, Қадамжой тумани ҳокими Қутпиддин Шакиров ва тадбиркорлардан иборат делегация Риштон туманида бўлди.
Делегация аъзолари Риштон тумани ҳокими Субҳонжон Солиев ва туман секторлари раҳбарлари томонидан кутиб олинди.
Баткенлик меҳмонлар Риштон кулолчилик саноат зонасида бўлиб бу ердаги жараёнлар билан танишдилар. 
Хусусан, Мингбоши керамик кулолчилик кластери томонидан олиб борилаётган кенг кўламдаги ишлар Қирғизистон делегацияси вакилларида катта таассурот қолдирди.
Ташриф давомида тадбиркорлар ўзаро ҳамкорлик борасида ҳам келишувга эришишди.

Риштон туман ҳокимлиги ахборот хизмати