1. Бош сахифа
2. Янгиликлар

ДХХ РАИСИ КУБОГИ ВИЛОЯТ БОСҚИЧИГА СТАРТ БЕРИЛДИ

×

Маълумки, мамлакатимиз бўйлаб “Маҳаллаларда ёшлар билан янгича ишлаш тизимини такомиллаштириш чора-тадбирлари тўғрисида”ги ПҚ-92-сонли қарори, Маҳаллаларда ёшлар билан ишлаш масалаларини мувофиқлаштириш бўйича  Республика комиссиясининг 2022 йил 18 мартдаги топшириғи ижросини таъминлаш, жумладан маҳаллаларда ёшларни маданият, санъат, спорт,  ахборот технологиялари ва китоб ўқишга бўлган қизиқишини ҳар томонлама қўллаб-қувватлашга қаратилган беш ташаббусни жойларда кенг тарғиб этиш, уларни маънавий ва жисмоний баркамол қилиб турбиялашга қаратилган маънавий-маърифий, оммавий спорт тадбирларини ўтказиш, ёшларнинг ижтимоий фаоллигини ошириш режалаштирилган.Хусусан, футбол  бўйича “Давлат хафсизлик  хизмати раиси кубоги” мусобақаси ўтказилмоқда. Бугун ушбу мусобақанинг вилоят босқичига старт берилди. Вилоят босқичи икки минтақада бўлиб ўтмоқда.  Иккинчи минтақа ўйинларига Риштон ва Учкўприк туманлари мезбонлик қилмоқда. Бугун бўлиб ўтган дастлабки тур баҳсида - Бағдод тумани ва Фурқат тумани жамоалари майдонга тушишди. Муросасиз ўтган беллашувда жанговар дуранг - 3:3 ҳисоби қайд этилди. Куннинг иккинчи баҳсида - «Бўстон» (Риштон) - «Ҳазрат Али» (Сўх) маҳалласи жамоалари майдонга тушишди. Шиддатли ўтган учрашувда риштонлик ёшлар 2:1 ҳисобида ғалаба қозонишди.Ўйинлар шанба куни давом этади.