Юзларингдан бахт порласин, болажон!
2022-06-01 15:51:04 406
Ёз фасли болалар учун ғоят завқли ва қувноқ тарзда бошланади. Бугун – ёз фаслининг илк кунида кўча ва хиёбонлар, истироҳат боғлари бахтдан юзлари порлаган болажонлар билан янада гавжум. Бу кун келажагимиз давомчилари учун катта тантана тусини олган.
Халқаро болаларни ҳимоя қилиш куни мамлакатимизда ҳар йили кўтаринки кайфиятда, болаларга хос самимий руҳда нишонланади. Риштон туманида ҳам Халқаро болаларни ҳимоя қилиш куни муносабати билан “Болаларга беринг дунёни” шиори остида байрам тадбирлари бўлиб ўтди.Байрамона безатилган саҳна жажжи болажонларнинг ўйин-кулгуларига тўлди. Мактабгача таълим ташкилотлари томонидан тайёрланган эртак қаҳрамонларининг чиқишлари, концерт дастурлари, бахтли болаликни тараннум этувчи куй-қўшиқлар, қувноқ рақслар нафақат жажжи болажонлар, балки бошқа иштирокчилар қалбига ҳам олам-олам қувонч бағишлади.Дарҳақиқат, оиланинг қувончи фарзанд билан. Байрамлар ҳам болалар билан тотли. Уларнинг хурсандчилиги барчамизнинг бахтимиз, уларнинг қувончи бизнинг ҳам қувончимиздир.
Юридик ва жисмоний шахслар томонидан веб сайт орқали бўлган мурожаатлар
Жами мурожаатлар: 38
Ишонч телефони статистикаси
