1. Бош сахифа
2. Янгиликлар

Иккинчи жаҳон уруши фахрийларига Президент совғалари топширилди

×

Ҳар йили мамлакатимизда 9 май – Хотира ва қадрлаш куни кенг нишонланади. Байрам муносабати билан уруш фахрийлари хонадонларига борилиб, ҳолидан хабар олинади, совға саломлар топширилади. Айниқса, уруш қатнашчиларининг бошидан ўтказган қонли жанглар ҳақидаги ҳикоялари кишида ўзгача таассурот қолдиради. Мамлакатимиз Президенти томонидан имзоланган “Иккинчи жаҳон уруши қатнашчиларини рағбатлантириш тўғрисида”ги Фармон ижросини таъминлаш мақсадида шаҳримизда бир қатор ишлар амалга оширилмоқда. Жумладан, туманимиздаги 2 нафар уруш қатнашчилари ва юздан ортиқ фронт орти иштирокчилари ҳолидан хабар олиниб, улар иштирокида маънавий-маърифий тадбирлар ташкилланмоқда.Бугун ҳам кенг жамоатчилик вакиллари Иккинчи жаҳон уруши қатнашчиларининг хонадонларига ташриф буюришди. Уруш фахрийларини тақдирлаш маросимларида туман ҳокимлиги вакиллари, мудофаа бўлими, ҳуқуқни муҳофаза қилувчи органлар масъуллари, нуронийларни қўллаб-қувватлаш Кенгаши фаоллари ҳамда Ёшлар ишлари агентлиги вакиллари иштирок этишди.Масъуллар Давлат раҳбарининг табрикномасини ўқиб эшиттирдилар. Уруш қатнашчиларига 15 миллион сўмдан пул мукофоти, рамзий белги ҳамда кондиционер каби эсдалик совғалари, шунингдек зарурий озиқ-овқат маҳсулотлари топширилди.Кекса-нуронийлар уларга қаратилаётган эътибор ва кўрсатилаётган ғамхўрликдан мамнун бўлишиб, юртимиз тинч, осмонимиз мусаффо бўлишини тилаб дуо қилдилар.