1. Бош сахифа
2. Янгиликлар

ТУМАНИМИЗДА ЯНА БИР ХУСУСИЙ КЛИНИКА ОЧИЛДИ

×

Мамлакатимизда тиббиёт соҳасида хусусий сектор ривожига қаратилаётган эътибор туфайли жойларда замонавий клиникалар қад ростлаб, кўрсатилаётган тиббий хизмат сифати янада юксалаётгани ҳеч кимга сир эмас. Кейинги йилларда мамлакатимизда соғлиқни сақлаш соҳасида нодавлат даволаш муассасалари биргаликда хусусий шифохоналарни ривожлантиришга катта эътибор қаратилмоқда. Бу эса чекка қишлоқларда истиқомат қилувчи фуқароларнинг ҳам замонавий тиббий хизматдан фойдаланиш имкониятини бермоқда.

Хусусан, бугун Янги Бужай маҳалласида кўп тармоқли "MUSLIMABONU KLINIKASI" номли хусусий даволаш маркази иш фаолиятини бошлагани  ҳам давлатимизда амалга оширилаётган ислоҳотлардан биридир.

Марказ очилишида иштирок этган туман ҳокими Суфҳонжон Солиев нуроний отахонлар иштирокида рамзий боғич қирқиб аҳоли саломатлигини мустаҳкамлаш, тиббий хизмат кўрсатиш сифати ва самарадорлигини янада яхшилашга туманда устувор аҳамият қаратилаётганини алоҳида таъкидлади.

Марказ замонавий лаборатория жиҳозлари билан жиҳозланган ва малакали шифокорлари жалб қилинган бўлиб, асосий мақсади касалликларни эрта аниқлаш, беморларнинг соғлигини сақлаб қолиш ва уларга қулайлик ва шинамлик яратишдир.

Ушбу маскан маҳалла фуқаролар йиғини аҳоли учун Мустақиллигимизнинг 30 йиллик байрамига муносиб совға бўлди десак адашмаган бўламиз.

Риштон туман ҳокимлиги ахборот хизмати