1. Бош сахифа
2. Янгиликлар

Риштон туманида “Ҳунармандлар марказлари” барпо этишга киришилди

×

Вилоят ҳокими Хайрулло Бозоров бугун Риштон туманида бўлиб, “Қалайнав" МФЙ ҳудудида барпо этишга киришилган Ҳунармандлар маркази биносига биринчи ғишт қўйиш маросимида иштирок этди.
Давлатимиз раҳбарининг жорий йил 4-5 февраль куни вилоятимизга ташрифлари чоғида берган кўрсатма ва топшириқлари ҳамда Ўзбекистон Президентининг 2021 йил 23 мартдаги “Кулолчиликни жадал ривожлантириш ва қўллаб-қувватлаш чора-тадбирлари тўғрисида”ги ПҚ-5033-сон қарори ижроси доирасида барпо этилаётган ушбу мажмуа, Риштон туманида 2021-2022 йилларда қуриб битказиладиган тўртта янги Ҳунармандлар марказинининг бири бўлади.
0,80 гектар майдонда қад ростлаётган 3 қаватли Ҳунармандлар марказининг лойиҳа қиймати 22,4 млрд. сўмни ташкил қилади. 16 та ҳунармандлар хонадонини ўз ичига оладиган марказ лойиҳаси учун “Ўзсаноатқурилишбанк” АТБ томонидан имтиёзли кредит ажратилган.
Вилоят раҳбари шунингдек, “Оқ-ер” МФЙда жойлашган Риштон Абу Али ибн Сино номидаги Жамоат саломатлиги техникуми ҳудудидаги 0,50 гектар майдонда барпо этишга киришилаётган Ҳунармандлар маркази иншооти бошланишига бағишланган тадбирда ҳам иштирок этди.
“Қалайнав” ва “Оқ-ер” МФЙ ҳудудларидаги ушбу икки марказ жорий йил фойдаланишга топширилади.
Шунингдек, келгуси йилга қадар туманнинг “Уч-Ариқ” ва “Тура обод” МФЙ ҳудудларида ҳам мана шундай ихтисослаштирилган Ҳунармандчилик мажмуалари қад ростлайди.