Риштон тумани ХТБ тасарруфидаги 26-умумий ўрта таълим мактабида адабиёт, санъат, ижод ва журналистика йўналишига қизиқадиган истеъдодли ўқувчилари билан туман  «Риштон ҳақиқати» газетаси бош муҳаррири Зайлобиддин Йигиталиев, газета  ходими, ижодкор Толибжон Носировларнинг  2021-йил 29-апрель куни ижодий учрашуви ўтказилди. 

Тадбирда "Риштон ҳақиқати" газетаси ташкил қилинганлигининг 90 йиллиги, ўқувчи ёшларнинг ижодкорлик қобилиятини ривожлантиришда беш ташаббуснинг ўрни, инсон ҳаётида адабиёт, санъат, мусиқа, китобхонликнинг аҳамияти, оммавий ахборот воситаларининг жамият ҳаётидаги тутган ўрни, бугун юртимизда ёшларнинг илм олиш, касб-ҳунар ўрганиши учун яратилаётган имкониятлар, Риштон мисолида юртимиз бўйлаб амалга оширилаётган бунёдкорлик ишлари ҳақида сўз юритилди. 

  Учрашув аввалида бош муҳаррири З. Йигиталиев газета тарихи ва журналистика соҳаси  ҳақида сўзлаб берди. 

Ижодкор Толиб Носир илм олиш, буюк алломаларимизнинг ҳаёти ва ижоди, Заҳириддин Муҳаммад Бобур ҳаёти ва ижодини ўрганиш бўйича олиб бораётган изланишларининг мақсади ҳақида батафсил маълумотлар берди. Учрашув давомида ўқувчилар ўз ижод намуналаридан ўқиб бердилар, ўзларининг қизиқтирган саволларига жавоб олдилар.  Тадбир якунида ўқувчиларга китоб совға қилишди.

Риштон тумани ҳокимлиги Ахборот хизмати раҳбари Аброржон Деҳқонов билан ҳамкорликда ўтказилди.