БИР МАҚСАД ЙЎЛИДА!
2020-03-24 13:42:02 848
Риштон тумани ҳокимлиги ва Санитария-эпидемиологик осойишталик маркази (СЭОМ) ходимлари томонидан бугунги кунда аҳоли гавжум жойларда, бозорларда ва жамоат транспортларида профилактик зарарсизлантириш ишлари амалга оширилмоқда.
Туманимизда эпидемиологик осойишталикни таъминлаш, юқумли касалликлар тарқалишининг олдини олиш мақсадида туман СЭОМ мутахассислари томонидан кенг қамровли дезинфекция тадбирлари олиб борилмоқда.
Туманимизда коронавирус тарқалишининг олдини олиш, эпидемиологик ҳолатни барқарорлаштириш мақсадида тезкор чоралар кўриш мақсадида туман ҳокими раҳбарлигида махсус Штаб ташкил этилган бўлиб, эпидемиологик вазият бўйича соатлик ва кунлик маълумот таҳлил қилиниб борилмоқда.
Шунингдек, Санитария ва гигиена штабларига озиқ-овқат омборларининг озода сақланиши, сотувчиларнинг гигиена қоидаларига амал қилиши, бозор ҳудудида дезинфекция тадбирлари ўз вақтида ўтказилиши, озодалик ва санитария гигиена қоидаларига амал қилиниши ҳамда сотилаётган озиқ-овқат маҳсулотларининг туман СЭОМ кўригидан ўтганлигини назорат қилиш вазифаси юклатилган.
Мақсад фуқаролар саломатлиги мустаҳкамлаш ва турли касалликларнинг, айниқса, коронавирус инфекциясининг олдини олишдир!
Риштон тумани ҳокимлиги ахборот хизмати
Yuridik va jismoniy shaxslar tomonidan veb sayt orqali bo'lgan murojaatlar
Jami murojaatlar: 38
Ishonch telefoni statistikasi
