2020-05-12 05:53:50    720

“Ўзшаҳар қурилиш инвест” ИК” МЧЖ ахборот хизматидан маълум қилишича, уй-жойлар ва хонадонлар фуқаролар номига нотариал тартибда расмийлаштирилгунга қадар “Ўзшаҳар қурилиш инвест” ИК” МЧЖ мулки ҳисобланади.

Бугунги кунга келиб, ҳудудий комиссиялар томонидан уй-жойларга бириктирилган фуқароларнинг кўпчилиги яшаб турган ўз уйини номига расмийлаштириб олди. Аммо 2020 йил 1 июлга қадар яшаб турган уйини ўз номига расмийлаштириб, уй суммасини “Ўзшаҳар қурилиш инвест” ИК”га тўлаб бермаса, уй нархига 15 фоиз қўшилган қиймат солиғи ҳисобланади.

Масалан 1 метр квадрати ўртача 3 миллион 980 минг сўмлик уй нархи қўшилган қиймат солиғи билан 4 миллион 577 мингга айланиши мумкин (ҚҚС 597 минг сўм). Бу қиймат Тошкент шаҳрида 1 та 7 қаватли уй мисолида келтирилган бўлиб, вилоятлар бўйича уларга тақдим қилинган нархларга мутаносиб равишда ўзгаради.

Шу боис, уй-жойларга бириктирилган фуқаролардан уй нархи ҚҚС қўшилиши ҳисобига кескин ошиб кетишининг олдини олиш учун жорий йил 15 июнга қадар хонадонларни ўз номига нотариал тартибда расмийлаштириш сўралади. Ушбу талаб уй-жойларни ўз номига нотариал тартибда расмийлаштириб, ипотека кредитлари ажратилган фуқароларга тааллуқли эмас.

Ўза.ўз